सपना बेचेर चामल किन्नेहरुलाई सोधपुछ गर्नुहोस् ,
सपनाको अवमूल्यन वा चामलको अधिमुल्यन ?
जंघार तर्दा हातमा चप्पल बोक्नेहरुलाई सोधपुछ गर्नुहोस् ,
माया चप्पलको धेरै कि खुट्टाको ?
मंसिरमा पनि टुमटुम गरि-गरि खुवाउने आमालाई सोधपुछ गर्नुहोस् ,
जिउँदाको जिउ जोहो कि जिउनको बिउ ?
आधाबाटोमा गन्तव्य परिवर्तन गरेकाहरुलाई सोधपुछ गर्नुहोस् ,
बाटो बिराएको कि बाटोले बिराएको ?
No comments:
Post a Comment