अप्रिय तर स्वप्रिय मेरो निजत्व ,
अरुलाई अराजक तर स्वराजक मेरो निजत्व ।
म मैले आफैं निर्माण गरेका शब्दहरुले मेरै डायरी भर्छु ,
मेरो निजत्व , तर उनीहरूको डाहा !
वाह !
उनीहरुको बौद्धिकता,
बौद्धिकता ??
होइन !
बौद्धिक अराजकता !!
मैले स्वतस्फूर्त आर्जन गरेको निजत्व ,
आत्मसात गर्न नसक्ने , स्वघोषित , मात्र स्वघोषित तपाइँको बौद्धिकता ।
मेरो निजत्व , मेरो आत्मरञ्जिता ,
मेरो निजत्व , मेरो आत्मवश ,
मेरो निजत्व , मेरो निजस्व ,
मेरो निजत्व , मेरो आत्मबोध ,
मेरो आत्मलेख , मेरो आत्मबली ,
म आत्मस्थ , त्यसैले म आत्माराम ,
त्यसैले म डिल्लीराम !
- २०८० बैशाख १४ , धरान ।
No comments:
Post a Comment