जब तिम्रो शहर
जलमग्न हुन्छ ,
नगर देखि जनपदसम्म ,
सबै निकायले खोजतलास
र उद्दार गर्छन् ।
तर
जब बाढीले गाउँ बग्छ,
तिमी भन्छ्यौ ,
पानी रोकिएपछि स्वचालित रुपमै
गाउँ देखा पर्छ ।
जब हवाई जहाज दुर्घटना हुन्छ ,
छानबिन समितिले नपुगेर
राष्ट्रिय शोक मनाउछ्यौ ,
तर
जब बस दुर्घटनामा पर्छ ,
स्वचालित रुपमै ,
लासहरुको बिस्कुनको
पर्खाइमा तिमी हुन्छ्यौ !
तिमी सत्तामा हुँदा
सडक गलत ...
एन्ड भाइस भर्सा ।
राजनीतिमा कुर्सी ,
प्रेममा यौन ,
र घर व्यबहारमा सम्पत्तिलाई
अन्तिम सत्य देख्ने तिम्रा आँखा ;
अल्ट्राकृपिडेरियनवादका पर्याय हुन ।
त्यसैले
तिम्रो प्रिय
तर
(अ)लोकप्रिय
तिम्रो अल्ट्राकृपिडेरियनवाद ।
२०८१ श्रावण ९, दमक ।
No comments:
Post a Comment